Der ehschte Schnei

zoletz jeändert: 0-.-1.2017   Druckerfründliche Sigg •  Info zu: Peter Berchem • 12311 × beluurt.



 
Et flock vum Himmel
e wieß Gewimmel:
Der ehschte Schnei.
De Kinder springe,
ehr Stemmcher klinge:
"Et schneit! juchhei!"

Dä Wundersäge
sich höösch deit läge
op Wääg un Daach;
de Lück all lore:
"Wie lang mag dore
die ehschte Praach?"

Fröh weed et dunkel;
beim Leechgefunkel
kütt meer enen Draum:
En mingem Stüvvge
eß Chreßdaagsdüffge,
et brennt enen Baum!
 
  <<< widder öm
 
Impressum | Dienstag, 24. Oktober 2017 | Copyright © 1998 - 2017 Udo Gerth, Köln | 1 Besucher online | # 1504599 | PI's: 4776073