Ald Kölle

zoletz jeändert: 0-.-1.2017   Druckerfründliche Sigg •  Info zu: Peter Berchem • 10668 × beluurt.



 
Et wor e Gäßge, kromm un schmal,
Worenn ich stonngeblevve;
Sie Flaster wor wie Birg un Daal
Un rund un glatt gerevve.

Do stunnt en Huus us aler Zigg,
Hatt noch ene Trappegivvel
Un hingk e beßge noh der Sigg,
Als hätt et jett em Stivvel.

Un bovven huh, bal en der Feesch,
Do los ich, ganz verwundert,
Grad en enem Striefe Sonneleech
De Johrzahl »Fuffzehnhundert«.

VeerhundertJohr! Wat kunnt dat Huus,
Die Gaß nit all verzälle!
Sohch doch us jeder Eck eruus
E Stock vum ale Kölle!

ün wie ich do su stunnt un daach
An längs vergangene Zigge,
Wie Bürgerstolz un Ritterschpraach
Ich sohch vörüvverschrigge,

Do gingk am Hus e Finster op,
Dran dät eruus sich bocke
E Möhnche met enem griese Kopp
Un an de Blöömcher plöcke.

Un vun enem Rüsge Knopp un Bladd
Meer feel verwelk zo Föße;
Ald-Kölle leet - su wor et grad —
Zum Avscheed noch ens größe.
 
  <<< widder öm
 
Impressum | Dienstag, 24. Oktober 2017 | Copyright © 1998 - 2017 Udo Gerth, Köln | 1 Besucher online | # 1504599 | PI's: 4776071